Foto nga Xinhua
Të hënën u hap sesioni i 13-të i Komitetit të Përhershëm të Komitetit të 14-të Kombëtar të Konferencës Konsultative Politike të Popullit Kinez (KKPPK) për të diskutuar lidhur me hartimin e planit të 15-të pesëvjeçar të Kinës (2026-2030).
Mbledhja u kryesua nga Wang Huning, anëtar i Komitetit të Përhershëm të Byrosë Politike të Komitetit Qendror të Partisë Komuniste të Kinës (PKK) dhe kryetar i Komitetit Kombëtar të KKPPK-së.
Duke theksuar që periudha e planit të 15-të pesëvjeçar (2026-2030) do të jetë një fazë vendimtare për Kinën për të konsoliduar themelet dhe për të bërë përpjekje të gjithanshme për realizimin në thelb të modernizimit socialist, Wang u bëri thirrje anëtarëve të Komitetit Kombëtar të KKPPK-së të kontribuojnë me idetë e përpjekjet e tyre lidhur me formulimin shkencor të planit.
Zëvendëskryeministri Ding Xuexiang, i cili është gjithashtu anëtar i Komitetit të Përhershëm të Byrosë Politike të Komitetit Qendror të PKK-së, ishte ftuar për të marrë pjesë në këtë sesion.
Në fjalën e tij, ai vuri në dukje se, që nga fillimi i planit të 14-të pesëvjeçar, fuqia ekonomike, aftësitë shkencore e teknologjike dhe forca e përgjithshme kombëtare e Kinës kanë arritur lartësi të reja.
Ding theksoi nevojën për të kryer analiza e kërkime dhe për të zhvilluar këshillime të gjera për të bashkuar mençurinë, me qëllim që të hartohet një plan i 15-të pesëvjeçar me cilësi të lartë.
Është thelbësore që plani të vendosë objektiva e detyra të arsyeshme, të përfshijë zbatimin e nismave të mëdha strategjike dhe të sigurojë përparim vendimtar për realizimin në thelb të modernizimit socialist, shtoi ai.
