Ministria e Jashtme në Pekin, Kinë/VCG
Ministria e Jashtme e Kinës ka bërë prezantim solemn ndaj Japonisë lidhur me komentet e saj negative mbi aktivitetin përkujtimor që Kina do të organizojë për të shënuar 80-vjetorin e Fitores në Luftën e Popullit Kinez kundër Agresionit Japonez dhe Luftës Botërore Antifashiste.
Duke folur të martën në një konferencë të rregullt për shtyp, zëdhënësi i ministrisë, Guo Jiakun, tha se qëllimi i këtij aktiviteti përkujtor është të kujtohet historia dhe të vlerësohet paqja.
“Çdo vend që përballet me historinë me ndershmëri, nxjerr mësime prej saj dhe është vërtet i përkushtuar ndaj zhvillimit paqësor, nuk do ta dyshojë e aq më pak ta kundërshtojë këtë,” u shpreh ai.
Guo theksoi se kuptimi dhe trajtimi i drejtë i historisë, është një parakusht i rëndësishëm për rikthimin e Japonisë së pas luftës në komunitetin ndërkombëtar, një themel politik për zhvillimin e marrëdhënieve me vendet fqinje dhe një tregues i rëndësishëm për të testuar nëse Japonia mund t’i përmbahet angazhimit të saj për zhvillim paqësor.
Guo i bëri thirrje Japonisë të përballet hapur me historinë e saj të agresionit, të shkëputet plotësisht nga militarizmi, të ndjekë rrugën e zhvillimit paqësor dhe të respektojë me sinqeritet ndjenjat e popullit të Kinës dhe vendeve të tjera viktima.
