Foto nga VCG
Një e dërguar e Kinës theksoi rolin aktiv të vendit në avancimin e zhvillimit global të grave, gjatë Takimit të Nivelit të Lartë të OKB-së të mbajtur të hënën në Nju Jork, për 30-vjetorin e Konferencës së Katërt Botërore për Gratë.
Huang Xiaowei, zv/kryetare e Komitetit Kombëtar të Punës për Fëmijët dhe Gratë pranë Këshillit të Shtetit dhe nënkryetare e Federatës Kineze të Grave, tha se Kina e vlerëson Asamblenë e Përgjithshme të OKB-së për mbajtjen e takimit në përkujtim të përvjetorit.
Duke theksuar se Kina dhe Organizata e Kombeve të Bashkuara për Arsim, Shkencë dhe Kulturë (UNESCO) krijuan së bashku në vitin 2025 Çmimin e UNESCO-s për Arsimin e Vajzave dhe Grave, Huang tha se Kina ka ndihmuar në trajnimin e mbi 200 mijë grave nga më shumë se 180 vende dhe rajone përmes iniciativave si çmimi i UNESCO-s.
Si kombi pritës i Konferencës së Katërt Botërore për Gratë në vitin 1995, Kina gjithmonë i ka nderuar angazhimet e saj me veprime konkrete, tha Huang.
Nën udhëheqjen e Partisë Komuniste të Kinës, vendi ka zbatuar me vendosmëri politikën themelore kombëtare të barazisë gjinore, ka nxjerrë katër programe kombëtare për zhvillimin e grave dhe ka krijuar një sistem ligjor me mbi 100 ligje dhe rregullore për të mbrojtur të drejtat dhe interesat e grave, shtoi Huang.
Të gjitha këto përpjekje kanë çuar përpara fuqizimin ekonomik, shëndetësinë, arsimin, punësimin, pjesëmarrjen politike dhe sigurimet shoqërore të mbi 690 milionë grave në Kinë, tha Huang.
