Zëdhënësi i Ministrisë së Jashtme të Kinës, Guo Jiakun/Foto nga VCG
Zëdhënësi i Ministrisë së Jashtme kineze Guo Jiakun shprehu të martën shpresën se Japonia do të punojë bashkë me Kinën dhe do të ecë në të njëjtin drejtim me të, pas zgjedhjes së Sanae Takaichi-t kryeministre e Japonisë po atë ditë.
“Ne i kemi vënë në dukje rezultatet e zgjedhjeve, të cilat janë punë të brendshme të Japonisë,” tha Guo kur iu kërkua të komentojë në një konferencë të rregullt shtypi.
Zëdhënësi i diplomacisë kineze vuri në dukje se, si vende fqinje, qëndrimi i Kinës mbi marrëdhëniet me Japoninë mbetet i qëndrueshëm dhe i qartë.
“Ne shpresojmë se Japonia do të punojë bashkë me Kinën dhe do të ecë në të njëjtin drejtim me të, do t’u përmbahet parimeve të katër dokumenteve politike midis të dy vendeve, do të respektojë angazhimin politik të saj mbi çështje të mëdha si historia e Tajvani, do të ruajë themelin politik të marrëdhënieve dypalëshe dhe do të çojë përpara marrëdhëniet strategjike Kinë-Japoni me përfitim të ndërsjellë,” shtoi Guo.
Takaichi, kryetare e Partisë Liberaldemokrate në pushtet në Japoni, u bë kryeministrja e parë femër e vendit pas votimit në të dy dhomat e parlamentit të martën.
