Foto nga Xinhua
Zëvendëspresidenti i Kinës, Han Zheng, mori pjesë të premten në seancën plenare të Forumit të 29-të Ekonomik Ndërkombëtar të Shën Petersburgut (SPIEF) dhe mbajti një fjalim mbi zbatimin e Nismës për Qeverisje Globale dhe ndërtimin e përbashkët të një të ardhmeje më të mirë.
Në fjalën e tij, Han theksoi se ndryshimet e mëdha, të papara në një shekull, po përshpejtohen në mbarë botën, ndërsa sfidat globale dhe mungesat në qeverisjen globale po bëhen gjithnjë e më të dukshme. Ai shtoi se Nisma për Qeverisjen Globale, e propozuar nga Kina, ka marrë përgjigje pozitive dhe mbështetje nga gati 160 vende dhe organizata ndërkombëtare.
Sipas atij, në Organizatën e Kombeve të Bashkuara është krijuar Grupi i Miqve të Qeverisjes Globale, duke përcjellë një mesazh të përbashkët për mbrojtjen e qëllimeve dhe parimeve të Kartës së OKB-së, mbështetjen e multilateralizmit të vërtetë dhe kundërshtimin e unilateralizmit.
Si iniciatore e Nismës për Qeverisjen Globale, Kina ka përmbushur angazhimet e saj përmes veprimeve konkrete, duke bashkuar palët e ndryshme dhe duke promovuar reformimin dhe përmirësimin e sistemit global të qeverisjes, tha Han.
Zv/Presidenti vuri në dukje se Kina dhe Rusia, si vende të mëdha dhe anëtare të përhershme të Këshillit të Sigurimit të OKB-së, mbajnë përgjegjësi të rëndësishme në transformimin e sistemit të qeverisjes globale.
Ai shtoi se Kina është e gatshme të bashkëpunojë me Rusinë dhe të gjitha palët e tjera për të avancuar zbatimin e Nismës për Qeverisjen Globale dhe për të ndërtuar një botë të hapur, gjithëpërfshirëse, të drejtë dhe të ndershme, të bazuar në bashkëpunim me përfitime të ndërsjella.
Han tha se ky është viti i parë i Planit të 15-të Pesëvjeçar të Kinës. Ky plan paraqet një vizion frymëzues për zhvillimin e Kinës gjatë pesë viteve të ardhshme dhe pasqyron aspiratën e saj për bashkëpunim me përfitime të ndërsjella me të gjitha vendet e botës.
Kina është e gatshme të punojë së bashku me të gjitha palët për të zbatuar plotësisht Nismën për Qeverisjen Globale, për të ndërtuar një sistem global qeverisjeje më të drejtë dhe më të barabartë, si dhe për të krijuar së bashku një të ardhme më të ndritur për njerëzimin, tha Han.
Gjatë mbajtjes së forumit, Han zhvilloi gjithashtu takime të shkurtra me Presidentin e Uzbekistanit, Shavkat Mirziyoyev, si dhe Presidenten e Tanzanisë, Samia Suluhu Hassan.
