Studiues të huaj marrin Çmimin e Bashkëpunimit Shkencor dhe Teknologjik Ndërkombëtar të Kinës për vitin 2025, Pekin, 8 korrik 2026. /VCG
Në konferencën kombëtare të çmimeve të shkencës dhe teknologjisë të Kinës të zhvilluar të mërkurën, nëntë shkencëtarë të huaj morën Çmimin e Bashkëpunimit Shkencor dhe Teknologjik Ndërkombëtar të Kinës për vitin 2025, në mirënjohje për kontributin e tyre të jashtëzakonshëm në bashkëpunimin shkencor me Kinën.
Çmimi i Bashkëpunimit Shkencor dhe Teknologjik Ndërkombëtar, i krijuar në vitin 1994 nga Këshilli i Shtetit i Kinës dhe i dhënë për herë të parë më 1995, është një çmim kombëtar i shkencës dhe teknologjisë që nderon individë ose organizata të huaja që kanë dhënë kontribut të rëndësishëm në zhvillimin e shkencës dhe teknologjisë në Kinë.
Çmimi thekson tre lloje kryesore të kontributeve: kryerjen e kërkimit dhe zhvillimit bashkëpunues me shkencëtarë ose institucione kineze që çojnë në arritje të rëndësishme shkencore, futjen e teknologjive të përparuara dhe kultivimin e talenteve shkencore në Kinë, si edhe promovimin e shkëmbimeve e të bashkëpunimit shkencor ndërkombëtar midis Kinës dhe vendeve të tjera.
Numri vjetor i fituesve të këtij çmimi nuk duhet t’i kalojë dhjetë. Që nga viti 1995, me të janë nderuar 155 shkencëtarë të huaj, tre organizata ndërkombëtare – Instituti Ndërkombëtar i Kërkimeve mbi Orizin, Qendra Ndërkombëtare për Përmirësimin e Misrit dhe Grurit dhe Qendra Ndërkombëtare për Bujqësinë Tropikale – dhe një institucion i huaj: Qendra Onkologjike “MD Anderson” e Universitetit të Teksasit.
Pjesëmarrës të huaj në takimin në Pekin që bashkoi konferencën kombëtare të çmimeve të shkencës dhe teknologjisë, si edhe asambletë e përgjithshme të anëtarëve të Akademisë Kineze të Shkencave dhe Akademisë Kineze të Inxhinierisë, 8 korrik 2026. /VCG
Për më shumë se tre dekada, ky çmim ka theksuar rëndësinë e bashkëpunimit shkencor ndërkombëtar. Shumë prej të laureuarve me të kanë krijuar bashkëpunim afatgjatë me institucionet kineze dhe kanë kontribuuar në përparimet madhore që janë në shumë disiplina.
Foto nga VCG
Çmimi, së bashku me Çmimin e Lartë Shtetëror të Shkencës dhe Teknologjisë, Çmimin Shtetëror të Shkencave Natyrore, Çmimin Shtetëror të Shpikjeve Teknologjike dhe Çmimin Shtetëror të Përparimit Shkencor Shkencor dhe Teknologjik, formon një sistem gjithëpërfshirës çmimesh që vlerësojnë përparimin e shkencës dhe teknologjisë në Kinë.
Për shumë shkencëtarë të huaj, marrja e këtij çmimi nuk është vetëm një njohje e arritjeve, por edhe një dëshmi e rëndësisë së bashkëpunimit të hapur shkencor.
