Foto nga VCG
Çështjet penale në Kinë ranë me 16.5% nga viti në vit në gjysmën e parë të vitit 2026, sipas një zyrtari të Ministrisë së Sigurisë Publike të premten.
Një zyrtar i ministrisë tha se numri i rasteve penale dhe rasteve të sigurisë publike në Kinë, u ul përkatësisht me 16.5% dhe 11.3%, gjatë gjashtë muajve të parë të vitit.
“Situata e përgjithshme e stabilitetit shoqëror vazhdon të përmirësohet dhe ‘ndjenja kineze e sigurisë’ është bërë një temë trend në platformat e mediave sociale jashtë vendit”, tha zyrtari gjatë konferencës për shtyp.
Që nga fillimi i vitit, shprehja “ndjenja kineze e sigurisë” ka fituar popullaritet midis vizitorëve të huaj, emigrantëve dhe krijuesve të përmbajtjes online, të cilët ndajnë përvojat e tyre në Kinë.
Ajo që filloi si vëzhgim personale – siç është ndjenja e sigurisë kur ecën vetëm natën në qytetet e mëdha, komoditeti i pagesave dixhitale dhe hapësirat publike të rregullta – është zhvilluar gradualisht në një koncept më të gjerë ndërkulturor, që pasqyron stabilitetin ekonomik, rendin shoqëror dhe besueshmërinë e jetës së përditshme.
Diskutimi në rritje nxjerr në pah një ndjenjë parashikueshmërie dhe stabiliteti në përvojat e përditshme, në një kohë kur shumë vende po përballen me tensione gjeopolitike dhe pasiguri ekonomike.
Sipas Raportit të Sigurisë Globale të Gallup për vitin 2025, Kina renditet si vendi i tretë më i sigurt në nivel global dhe i katërti në Indeksin e rendit dhe ligjit, të dyja duke tejkaluar shumë ato të vendeve të mëdha perëndimore.
