foto nga Xinhua
Kandidatura kineze e artit të të treguarit Hezhen Yimakan u miratua të enjten në sesionin e 20-të të Komitetit Ndërqeveritar të UNESCO-s për Mbrojtjen e Trashëgimisë Kulturore Jomateriale në Nju-Delhi të Indisë, duke kaluar nga Lista e Trashëgimisë Kulturore Jomateriale në Nevojë për Mbrojtje Urgjente te Lista Përfaqësuese e Trashëgimisë Kulturore Jomateriale të Njerëzimit.
Përveç kësaj, plani i mbrojtjes për artin e të treguarit Hezhen Yimakan u përzgjodh për t’u përfshirë në Regjistrin e Praktikave të Mira të Mbrojtjes.
Kombësia hezhe është kryesisht e përhapurë në pellgun e tre lumenjve: Heilongjiang, Songhuajiang dhe Wusulijiang, në Kinën Verilindore dhe ka pak më shumë se 5 000 pjesëtarë, duke qenë ndër kombësitë më të vogla të vendit.
foto nga Xinhua
Arti i të treguarit Yimakan është një formë e vjetër artistike gojore e praktikuar nga kombësia hezhe në Kinën Verilindore dhe u përcoll nëpër breza me një ndërthurje të këndimit dhe rrëfimit të folur. Ai rrëfehet në gjuhën hezhen dhe kombinon elementet ritmike dhe prozaike për të transmetuar tregime të pasura. Ky art përmbledh plot gjallëri qartë historinë, legjendat heroike, kulturën e gjuetisë dhe peshkimit, ritualet, zakonet dhe vlerat morale të kombësisë hezhe.
Me këtë përfshirje, Kina tani ka 45 trashëgimi në listat e ndryshme të trashëgimisë kulturore jomateriale të UNESCO, duke u renditur e para në botë për numrin e përgjithshëm të tyre.
