Foto nga VCG
Një bibliotekë e ndërtuar brenda një vagoni treni të rinovuar u hap në Guangzhou, kryeqendra e provincës Guangdong, duke ofruar një përvojë unike për lexuesit.
Biblioteka brenda një vagoni, e para e këtij lloji në Kinë, është një degë e caktuar zyrtarisht e Bibliotekës së Guangzhou.
E ngritur brenda një vagoni të vjetër treni të gjelbër Tipi 22 me ndenjëse të forta në zonën e ekspozitës në natyrë të Muzeut Hekurudhor të Guangzhou, biblioteka ka ruajtur elementët origjinalë, si ndenjëset, ventilatorët rrotullues të tavanit dhe raftet e bagazheve, shkruan “China Daily”.
Vagoni është gjithashtu i pajisur me ambiente specifike për bibliotekën, duke përfshirë rafte të shumtë librash dhe makineri vetëshërbimi.
Treni i pasagjerëve Tipi 22 është pjesë e gjeneratës së dytë të trenave kryesorë të pasagjerëve të Kinës dhe dikur luajti një rol vendimtar në transportin hekurudhor të pasagjerëve të Kinës. Prodhimi i trenit përfundoi në vitin 1994.
Librat janë të zhanreve të ndryshme, duke përfshirë letërsi, histori, biografi dhe shkencë, si dhe një sërë librash që lidhen me kulturën hekurudhore, shkencën popullore dhe zhvillimin industrial.
