Foto nga CGTN
Më 16 shtator, u shfaq premierë në kanalin anglisht të CGTN-së dokumentari “Helmetat Blu pa Kufij”, me katër episode nga 30 minuta. Dokumentari i prodhuar nga CGTN pranë CMG përgjatë një viti pune, është xhiruar në shtatë vende dhe shkon thellë në frontin e parë të misioneve paqeruajtëse të Kinës jashtë vendit.
Foto nga CGTN
Dokumentari “Helmetat Blu pa Kufij” paraqet pamjen madhështore të forcave kineze që marrin pjesë në misionet paqeruajtëse jashtë OKB-së, eksploron thellësisht sfidat e reja me të cilat përballen misionet paqeruajtëse në situatën aktuale botërore dhe shpjegon në mënyrë të gjallë thelbin shpirtëror të konceptit të “një komuniteti me një të ardhme të përbashkët për njerëzimin” dhe iniciativën e qeverisjes globale.
Foto nga CGTN
Ekipi i xhirimit udhëtoi në zonat e misioneve në Liban dhe Sudanin e Jugut, duke jetuar dhe ngrënë me paqeruajtësit. Ata xhiruan momente të panumërta të rralla, emocionuese dhe prekëse. Këto përfshinin skenat e rrezikshme të çaktivizimit të minave të ekipit inxhinierik të forcës së 23-të paqeruajtëse kineze në Liban. Dokumentari ofron një pamje panoramike të kontributeve, misionit dhe angazhimit të forcës paqeruajtëse kineze.
Foto nga CGTN
Dokumentari sjell gjithashtu skena nga stërvitja e repartit përgatitor në bazën stërvitore në Kinën perëndimore, si edhe imazhe para nisjes së repartit të reagimit të shpejtë. Kina merr pjesë në mënyrë të vazhdueshme dhe të vendosur në çështjet e paqeruajtjes, çka tregon vullnetin e palëkundur të Kinës në ruajtjen e paqes botërore.
