Foto nga CGTN
Grupi i Sulmit Strategjik u inspektua gjatë paradës së Ditës së Fitores në sheshin “Tiananmen” në Pekin të mërkurën, duke përfshirë raketa kruiz, raketa hipersonike dhe raketa bërthamore.
Llojet e reja të raketave hipersonike, duke përfshirë YJ-21, DF-17 dhe DF-26D, mund të fluturojnë me shpejtësi jashtëzakonisht të lartë, janë të afta në kapërcimin e bllokadave dhe mund të godasin objektivat me saktësi të lartë. Ato janë jetike për fitoren e betejës në të gjitha rrethanat.
Raketa hipersonike YJ-21, gjatë paradës së Ditës së Fitores, 3 shtator 2025/Foto nga CGTN
Formacioni i parë i raketave bërthamore përbëhej nga raketa me rreze të gjatë të lëshuara nga ajri JL-1, raketa ndërkontinentale të lëshuara nga nëndetëset JL-3, raketa ndërkontinentale të lëshuara nga toka DF-61 dhe raketa e re ndërkontinentale e lëshuar nga toka DF-31BJ.
Raketa ndërkontinentale JL-3, gjatë paradës së Ditës së Fitores, 3 shtator 2025/CGTN
Kjo është hera e parë që Kina demonstron forcën e saj bërthamore tokësore, detare dhe ajrore bashkërisht.
Raketa bërthamore strategjike ndërkontinentale me lëndë djegëse të lëngshme DF-5C, gjatë paradës së Ditës së Fitores, 3 shtator 2025/ CGTN
Ndërkohë në formacionin e dytë të raketave bërthamore u paraqit raketa bërthamore strategjike ndërkontinentale me lëndë djegëse të lëngshme DF-5C, e cila mund të godasë çdo objektiv në mbarë botën.
Duke zotëruar këto armë të rënda strategjike, Kina ka krijuar një mburojë paqeje për të garantuar sigurinë e saj.
