Foto nga VCG
Bashkia e Shangait në Kinën lindore ka ndërtuar mbi 1000 parqe, duke përfshirë 522 urbane, 371 parqe të vogla, 119 parqe rekreative pyjore dhe një park tematik, deklaruan autoritetet vendore, citon “Xinhua”.
Si një metropol me burime të kufizuara tokësore, Shangai ka zgjeruar në mënyrë krijuese hapësirat e tij të gjelbra, duke transformuar tokën e pabanuar, zonat e nënshfrytëzuara dhe hapësirat nën rrugë të ngritura, sipas Zyrës Administrative të Peizazhit.
Hapësirat e gjelbra që u përkasin institucioneve, shkollave dhe ndërmarrjeve janë hapur për publikun, duke shtuar mbi 100 hektarë gjelbërim të aksesueshëm.
Që nga viti 2021, Shangai ka rritur sipërfaqen e përgjithshme të parqeve me mbi 2500 hektarë, duke rritur hapësirën e gjelbër për frymë nga 8.5 në 9.5 metra katrorë, sipas zyrës.
Gjatë pesë viteve të ardhshme, Shangai synon të ndërtojë mbi 500 parqe shtesë dhe të rrisë hapësirën e gjelbër për frymë me një metër katror tjetër, deklaroi nëpunësi i kësaj zyre, Guan Qunfei.
