Foto nga Xinhua
Komiteti i Përhershëm i Komitetit të 14-të Kombëtar Konsultativ Politik të Popullit Kinez (KKPPK) hapi të hënën në Pekin sesionin e tij të 12-të me temë “Thellimi i reformave ekonomike”.
Wang Huning, Kryetar i Komitetit Kombëtar të KKPPK-së dhe anëtar i Komitetit të Përhershëm të Byrosë Politike të Komitetit Qendror të PKK, mori pjesë në takim.
Hu Chunhua, Nënkryetar i Komitetit Kombëtar të KKPPK-së, i cili kryesoi takimin hapës, u bëri thirrje të gjithë anëtarëve të Komitetit të Përhershëm të Komitetit Kombëtar të KKPPK-së të angazhohen në diskutime të thella dhe të ofrojnë sugjerime rreth thellimit të reformave ekonomike, në një përpjekje për të çuar përpara modernizimin kinez.
Është e rëndësishme të kuptohet plotësisht rëndësia e thellimit të reformave ekonomike për avancimin e modernizimit kinez, tha He Lifeng, anëtar i Byrosë Politike të Komitetit Qendror të PKK-së dhe zv/Kryeministër, i cili u ftua të merrte pjesë në takim dhe të mbante një fjalim.
Ai theksoi reformat konkrete që kanë të bëjnë me një ekonomi tregu socialiste me standarde të larta, zhvillimin ekonomik me cilësi të lartë, qeverisjen makroekonomike, hapjen e nivelit të lartë dhe progresin ekologjik.
Burimi ©CGTN
