Foto nga VCG
Ekonomia industriale e Kinës ka bërë përparim të qëndrueshëm gjatë periudhës së planit të 14-të pesëvjeçar (2021-2025), me prodhimin që vazhdon të luajë një rol themelor në forcimin e ekonomisë së vendit, tha ministri kinez i Industrisë dhe Teknologjisë së Informacionit Li Lecheng gjatë një konference shtypi të Zyrës së Informacionit të Këshillit të Shtetit të Kinës të martën.
Nga viti 2020 deri më 2024, vlera e shtuar e përgjithshme industriale e Kinës u rrit nga 31.3 trilionë juanë (rreth 4.39 trilionë dollarë) në 40.5 trilionë juanë, tha Li, teksa prodhimi me vlerë të shtuar pritet të shtohet me 8 trilionë juanë gjatë periudhës së planit të 14-të pesëvjeçar, duke kontribuuar më tepër se 30 për qind në rritjen globale të prodhimit.
Zhvillimi i gjelbër ka vazhduar të marrë hov. Sivjet Kina ka 6 430 fabrika të gjelbra në nivel kombëtar dhe konsumi i energjisë për njësi prodhimi industrial vazhdon të bjerë, vuri në dukje Li.
Kina ka ndërtuar gjithashtu infrastrukturën e rrjetit më të madhe e më të shtrirë në botë, tha Li, me gati 4.6 milionë stacione bazë 5G të ndërtuara, ndërsa aplikimet e 5G-së lulëzojnë në miniera, porte e fabrika.
Ministri theksoi se inteligjenca artificiale ka përshpejtuar zhvillimin e mijëra industrive, veçanërisht brezi i ardhëm i terminaleve inteligjente dhe robotëve, duke përmendur evolucionin e robotëve humanoidë nga “lëvizja në skena” dhe “vrapimi në fusha” në përdorime më praktike, të tilla si aplikimi në shtëpi dhe në fabrika.
