Foto nga VCG
Disa diplomatë evropianë thanë se Kina po përpiqet të shfrytëzojë mundësinë e 80-vjetorit të themelimit të Kombeve të Bashkuara për të riorganizuar institucionet e saj dhe për të zgjeruar ndikimin në OKB. Në përgjigje të kësaj, zëdhënësi i Ministrisë së Jashtme Guo Jiakun tha të hënën gjatë një konference shtypi se Kina është e gatshme të bashkëpunojë me BE-në për ta marrë 80-vjetorin e themelimit të OKB-së si një mundësi për të forcuar më tej pozicionin thelbësor të OKB-së, për të luajtur në mënyrë efektive rolin që duhet të luajnë OKB-ja dhe për të injektuar besim dhe motivim në multilateralizëm.
Guo Jiakun theksoi se si dy qytetërime të mëdha dhe dy forca të mëdha, Kina dhe Evropa mbështesin multilateralizmin, bashkëpunimin e hapur dhe pozicionin thelbësor të OKB-së dhe demokratizimin e marrëdhënieve ndërkombëtare.
Guo Jiakun tha se Sekretari i Përgjithshëm i OKB-së Antonio Guterres propozoi iniciativën e reformave për 80-vjetorin e OKB-së, ndaj Kina i kushton shumë rëndësi asaj.
“Ne mbështesim Kombet e Bashkuara në përshtatjen me situatën dhe detyrat e reja, duke konsoliduar më tej angazhimin e të gjitha palëve ndaj multilateralizmit, duke përmirësuar efikasitetin operativ përmes reformave, duke rritur aftësinë për t’iu përgjigjur sfidave globale dhe duke luajtur një rol më të mirë në çështjet ndërkombëtare. Reformat duhet ti kushtojnë rëndësi mendimeve të vendeve anëtare, veçanërisht numrit të madh të vendeve në zhvillim, si edhe të ndërtojnë një sistem qeverisjeje globale më të drejtë dhe të arsyeshëm.”
Burimi ©CGTN
