Foto nga VCG
Kina shprehu të hënën pakënaqësi të fortë dhe kundërshtim të vendosur, pasi Britania e Madhe vendosi një raund të ri sanksionesh ndaj ndërmarrjeve kineze, nën pretekstin që i quan çështje “të lidhura me Rusinë”, sipas një zëdhënësi të Ministrisë së Tregtisë.
Zëdhënësi theksoi se veprimet e Britanisë se Madhe janë sanksione të njëanshme pa bazë në ligjin ndërkombëtar dhe pa autorizim nga Kombet e Bashkuara.
Në lidhje me krizën në Ukrainë, zëdhënësi vuri në dukje se Kina vazhdimisht ka kontrolluar rreptësisht eksportin e artikujve me përdorim të dyfishtë në përputhje me ligjet dhe rregulloret, duke theksuar se shkëmbimet normale dhe bashkëpunimi midis ndërmarrjeve kineze dhe ruse nuk duhet të ndërpriten apo ndikohen.
Zëdhënësi bëri thirrje që Britania e Madhe të korrigjojë menjëherë praktikat e saj të gabuara dhe të anulojë sanksionet kundër subjekteve kineze të përfshira, duke shtuar se Kina do të zbatojë masat e nevojshme për të mbrojtur të drejtat dhe interesat legjitime të ndërmarrjeve kineze.
