Foto nga VCG
Ministria kineze e Industrisë dhe Teknologjisë së Informacionit njoftoi se vendi planifikon të zhvillojë më shumë se 30 grupe standardesh të reja kombëtare dhe të industrisë për “cloud computing” deri në vitin 2027, pasi sektori ka shënuar një rritje të fortë vitet e fundit, shkruan “Xinhua”.
Foto nga VCG
Standardet e reja do të përqendrohen te teknologjia, shërbimet, aplikacionet, menaxhimi dhe siguria që lidhen me “cloud computing”, sipas një udhëzuesi të publikuar nga ministria dhe Administrata Kombëtare e Standardizimit.
Sipas udhëzuesit, pas zhvillimit të shpejtë ndër vite, Kina ka formuar një treg të konsiderueshëm të “cloud computing”, i cili luan një rol kyç në fuqizimin e përmirësimeve industriale dhe krijimin e një ekologjie të shëndoshë digjitale.
Foto nga VCG
Standardet e reja pritet të rregullojnë përkufizimet e teknologjive, shërbimeve dhe aplikacioneve që lidhen me “cloud computing”, si dhe të standardizojnë kërkesat për zbatimin e sistemit në industri të ndryshme.
Në dokument thuhet se Kina do të punojë gjithashtu për të rritur konsistencën e treguesve kryesorë në të gjitha standardet ndërkombëtare dhe vendase në sektor.
