Foto nga VCG
Komiteti Qendror i Partisë Komuniste të Kinës dhe Këshilli i Shtetit kanë miratuar planin e bashkërendimit të hapësirës për zonën metropolitane moderne të kryeqytetit (2023-2035), duke shënuar një hap të ri të madh në thellimin e zhvillimit të bashkërenduar të rajonit Pekin-Tianjin-Hebei.
Zona metropolitane e kryeqytetit është caktuar si një zonë kritike për optimizimin dhe ruajtjen e funksioneve kryesore të kryeqytetit, duke shërbyer si motori kryesor për ndërtimin e një grupimi qytetesh të klasit botëror, sipas dokumentit të publikuar të hënën.
Ajo funksionon gjithashtu si një zonë kyçe për trashëgimin dhe zhvillimin e qytetërimit kinez, zonë kryesore në qeverisjen bashkëpunuese rajonale dhe zonë pilot në ndërtimin e një Kine të Bukur.
Plani i miratuar synon ndërtimin e një zonë metropolitane të klasit botëror me qendër në Pekin, kthimin e saj në një zonë model për modernizimin kinez dhe dhënien e mbështetjes të fortë për zhvillimin e një grupimi qytetesh të klasit botëror në rajonin Pekin-Tianjin-Hebei.
Sipas planit, Zona e Re “Xiongan” e Hebei-t do të zhvillohet me standarde e cilësi të larta, ndërsa Qendra Administrative Bashkiake e Pekinit do të jetë një shtyllë e re rritjeje për kryeqytetin. Ndërkohë, Pekini e Tianjin-i do të çojnë përpara së bashku zhvillimin me cilësi të lartë, duke forcuar rolin e Tianjin-it si zonë thelbësore për transportin detar ndërkombëtar në Kinën Veriore.
