Foto nga CMG
Të hënën u mbajt në Pekin aktiviteti i shkëmbimeve kulturore-njerëzore të OBSh-së, i bashkëorganizuar nga Grupi Mediatik i Kinës (CMG) dhe Sekretariati i OBSh-së. Presidenti i Kirgistanit Sadyr Japarov dhe Kryeministri i Pakistanit, Muhammad Shehbaz Sharif, dërguan mesazhe urimi. Mbi 100 të ftuar nga qarqet politike, kulturore dhe mediatike të vendeve të OBSh-së morën pjesë dhe panë publikimin e arritjeve të shumta bashkëpunuese.
Foto nga CMG
Presidenti i Kirgistanit Sadyr Japarov tha se eventi ishte një mishërim i gjallë i “shpirtit të Shangait” dhe shprehu shpresën për bashkëpunim më të ngushtë me CMG-në gjatë presidencës së rradhës së Kirgistanit.
Kryeministri i Pakistanit, Muhammad Shehbaz Sharif theksoi se media shërben si një urë për komunikimin midis qytetërimeve dhe se CMG promovon mirëkuptimin dhe besimin e ndërsjellë me qasjen e saj profesionale dhe objektive.
zv/Ministri i Departamentit të Promovimit të Komitetit Qendror të PKK-së dhe Kryetari i CMG-së Shen Haixiong, vuri në dukje se “harmonia” është një koncept thelbësor i qytetërimit kinez. CMG ka nisur projekte të shumta kulturore vitet e fundit në bashkëpunim me vendet e OBSh-së dhe do të vazhdojë të tregojë histori të zhvillimit inovativ dhe të përcjellë mesazhin e bashkëpunimit fitimprurës për të dyja palët.
Foto nga CMG: Sekretari i Përgjithshëm i OBSh-së, Nurlan Yermekbayev
Sekretari i Përgjithshëm i OBSh-së, Nurlan Yermekbayev, theksoi se bashkëpunimi kulturor është një fushë kyçe për rritjen e besimit dhe se Sekretariati do të nënshkruajë një dokument bashkëpunimi me CMG-në për të promovuar shkëmbime të rregullta.
Foto nga CMG: Presidenti i VGTRK-së, Oleg Dobrodeyev
Presidenti i VGTRK-së, Oleg Dobrodeyev, deklaroi se mediat duhet të thellojnë ndarjen e burimeve bazuar në parimet e besimit, respektit dhe barazisë.
Foto nga CMG: Kryetari i Televizionit Shtetëror të Kirgistanit, Bolotbek Tillebaev
Kryetari i Televizionit Shtetëror të Kirgistanit, Bolotbek Tillebaev, vuri në dukje se eventi ofroi një platformë për bashkëpunim praktik mediatik.
Foto nga CMG
Foto nga CMG
Në këtë event, CMG dhe Sekretariati i OBSh-së shkëmbyen dokumente bashkëpunimi, lançuan Mekanizmin e Bashkëpunimit Mediatik të OBSh-së dhe publikuan “Iniciativën e Mekanizmit të Bashkëpunimit”. U publikuan gjithashtu aktivitete të tilla si Konkursi Ndërkombëtar i Muzikës “Ylli i Rrugës së Mëndafshit 2025”, “Shihni Kinën së Bashku: Një Udhëtim Harmonie dhe Bashkëpunimi” dhe “Rinia e OBSh-së është Koha”, duke shfaqur arritjet e shkëmbimeve kulturore dhe bashkëpunimeve rinore.
Foto nga CMG
Në aktivitet morën pjesë drejtorë nga Departamenti i Publicitetit i Komitetit Qendror të PKK-së, Grupi Mediatik i Kinës, organizata mediatike nga vendet e OBSh-së dhe të dërguar diplomatikë në Kinë.
