Muzeu i Varreve Perandorake Xixia në rajonin autonom Ningxia-Hui në Kinën Veriperëndimore / Xinhua
Në rrëzë të Malit Helan në Yinchuan, kryeqendra e Rajonit Autonom Ningxia Hui të Kinës Veriperëndimore, një korridor brenda Muzeut të Varreve Perandorake Xixia është transformuar në një skenë të gjallë nga një mijëvjeçar më parë gjatë Festës së Pranverës, shkruan “Xinhua”.
Aktorë të veshur me kostume tradicionale të dinastive Song (960-1279) dhe Xixia (1038-1227) përshëndetën turistët, ndërsa imazhet e “Apsarave Fluturuese”, figura qiellore nga muralet e lashta, vallëzuan mes ndriçimit dhe mjegullës.
Shfaqja gjithëpërfshirëse, e titulluar “Takimi Muzikor Xixia”, është pjesa qendrore e festimeve të Vitit të Ri të muzeut.
Duke e shndërruar një kalim 300 metrash në një skenë lëvizëse, eventi rikrijon skena të gjalla të bashkëjetesës shumetnike dhe bashkimit kulturor në Kinë rreth 1000 vjet më parë, duke u ofruar vizitorëve një përvojë unike.
“Më dukej si një përvojë e vërtetë udhëtimi në kohë”,- tha Wang Fei, një turist nga provinca Shanxi e Kinës Veriore, i cili e vizitoi muzeun me familjen e tij.
“Me teknologjinë dhe aktivitetet kulturore që fuqizojnë muzeun, historia është bërë e gjallë dhe e arritshme. Kjo i lejon brezit të ri të kuptojë vërtet kulturën e mirë tradicionale ndërsa argëtohet”,- tha Wang, duke shtuar se përvoja e bëri Festën e Pranverës më kuptimplotë.
Chen Xiaoxu, kreu i marketingut në “Xixia Imperial Tombs Cultural Tourism Development Co., Ltd.”, tha se shfaqja paraqet mbi 50 aktorë profesionistë, me kostume dhe ambiente tregu të rikrijuara nga objekte muzeale dhe dokumente historike.
Chen vuri në dukje një rritje të konsiderueshme të numrit të vizitorëve për shkak të shfaqjes.
Muzeu Chengdu në provincën Sichuan të Kinës Jugperëndimore / Xinhua
Entuziazmi turistik në Ningxia pasqyron një trend mbarëkombëtar, pasi turizmi muzeal është shfaqur si një mënyrë e re për shumë njerëz për të festuar Vitin e Ri.
Në të gjithë vendin, muzetë po shkojnë përtej ekspozitave statike, duke adoptuar aktivitete interaktive dhe gjithëpërfshirëse për të tërhequr vizitorët.
Në provincën Henan të Kinës Qendrore, Muzeu i Rrënojave të kryeqendrës së dinastisë Shang Zhengzhou startoi evente të teatrit gjithëpërfshirës, duke ftuar audiencën të marrë pjesë në ritualet e sakrificës së dinastisë Shang (1600-1046 p.e.s.).
Muzeu i Mongolisë së Brendshme / VCG
Në Kinën veriore, Muzeu i Mongolisë së Brendshme prezantoi një përvojë tregtare me role, duke u lejuar turistëve të simulojnë tregtinë e lashtë midis kullotave dhe Rrafshnaltave Qendrore.
Inovacioni teknologjik i ka pasuruar më tej këto oferta kulturore. Muzeu Provincial Qinghai prezantoi përvoja realiteti virtual duke u lejuar vizitorëve të përjetonin historinë, ndërsa Muzeu Kombëtar Detar i Kinës ofroi eksplorime digjitale në det të thellë.
Për të akomoduar rritjen e vizitorëve, institucionet kulturore kanë zgjeruar shërbimet. Më shumë se 40 muze në Henan dhe 79 në provincën Jiangsu të Kinës Lindore shtuan orarin e tyre të hapjes gjatë festës.
