Foto nga VCG
Presidenti i Francës Emmanuel Macron e vuri theksin te bashkëpunimi dhe mirëkuptimi i ndërsjellë për të trajtuar sfidat globale, gjatë një fjalimi në Universitetin e Sichuan-it në Chengdu, në përfundim të vizitës së tij shtetërore treditore në Kinë.
Foto nga VCG
Macron-i deklaroi se njerëzimi po kalon tranzicione të mëdha dhe theksoi se, përveç bashkëpunimit, edhe mirëkuptimi i ndërsjellë dhe mendimi i përbashkët janë thelbësorë për të gjetur zgjidhje praktike për çështje si kriza klimatike. Ai shprehu besim në aftësinë e njerëzimit për të tejkaluar kufijtë për qëllimet e përbashkëta të paqes, begatisë e veprimit klimatik, të nxitura nga respekti dhe përgjegjësia.
Në vitet e fundit, Universiteti i Sichuan-it ka vendosur dhe thelluar partneritetet e bashkëpunimit me një numër universitetesh franceze, duke përfshirë Institutin e Studimeve Politike të Parisit, Universitetin “Nanterre” të Parisit, Universitetin e Tuluzës dhe Institutin Kombëtar për Gjuhët dhe Qytetërimet Orientale.
Foto nga VCG
Pas fjalimit të tij, Macron-i u takua me pingpongistë francezë që konkurronin në Chengdu dhe mori pjesë në një ndeshje miqësore të tyre me pingpongistët kinezë.
