foto nga VCG
Gjatë muajit korrik, sektori i automjeteve komerciale në Kinë regjistroi një rritje të fortë vjetore si në prodhim ashtu edhe në shitje, sipas të dhënave të industrisë të publikuara të hënën.
Prodhimi i makinave komerciale muajin e kaluar arriti në 298 mijë njësi, duke shënuar një rritje vjetore prej 16.3%, ndërsa shitjet u rritën me 14.1% në 306 mijë njësi, treguan të dhënat nga Shoqata e Prodhuesve të Automjeteve të Kinës (CAAM).
foto nga VCG
Gjithsesi, brenda sektorit, shitjet e makinave me gaz natyror, ranë me 5.9% nga viti në vit në 16 mijë njësi në korrik. Prodhimi i automjeteve komerciale u rrit me 6% nga viti në vit në 2.4 milionë njësi në periudhën janar-korrik, ndërsa shitjet arritën në 2.43 milionë njësi – një rritje prej 3.9%.
Të dhënat e veçanta të CAAM të publikuara muajin e kaluar, zbuluan se prodhimi i përgjithshëm i automjeteve në Kinë në gjashtë muajt e parë të vitit pati një rritje vjetore prej 12.5% në 15.62 milionë njësi, me shitjet që u rritën me 11.4% në 15.65 milionë njësi.
foto nga VCG
Në mënyrë specifike, prodhimi i automjeteve me energji të re pati rritje vjetore 41.4% gjatë gjysmës së parë të vitit 2025 në gati 6.97 milionë njësi – ndërsa shitjet u rritën me 40.3% në rreth 6.94 milionë njësi.
