Foto nga VCG
Një tren që transportonte 46 kontejnerë me mallra, u nis të martën nga qyteti kufitar Hunchun në provincën Jilin të Kinës verilindore drejt Moskës, kryeqytetit rus, duke shënuar kështu nisjen e një shërbimi të ri transporti hekurudhor.
Treni i kontejnerëve ishte i ngarkuar plotësisht me mallra, duke përfshirë sende të përditshme, pajisje shtëpiake dhe produkte elektronike.
I rrethuar nga vija e ngrirë bregdetare e Rusisë dhe malet e izoluara të Republikës Popullore Demokratike të Koresë (RDK), qyteti i vogël Hunchun është bërë një qendër e rëndësishme që lidh Kinën me Rusinë dhe me brendësinë e Evropës – nëpërmjet zhvillimit të rrjetit të saj hekurudhor.
Që nga nisja e shërbimit të parë special postar të trenit Hekurudhor Hunchun-Makhalino në nëntor 2023 – janë kryer 164 udhëtime me tren, duke transportuar mbi 380.000 artikuj mallrash.
Nisja e shërbimit të ri hekurudhor të martën, është një hap për të lehtësuar më tej logjistikën dhe transportin e mallrave të tregtisë ndërkufitare në këtë rajon.
