Nën garancinë institucionale të politikës “Një vend, dy sisteme”, shoqëruar edhe me një mjedis të sigurt për zhvillim me cilësi të lartë, Rajoni Special Administrativ i Hong Kongut (SAR) po shkon drejt një të ardhmeje edhe më të ndritshme, tha të enjten një zëdhënës i Ministrisë së Jashtme të Kinës.
Hong Kongu është ngjitur me dy pozicione, duke u renditur i treti në Vjetarin Botëror të Konkurrencës 2025, të botuar nga Instituti Ndërkombëtar për Zhvillimin e Menaxhimit me bazë në Zvicër, duke shënuar rikthimin e qytetit në tre vendet e para për herë të parë që nga 2019.
Gjatë një konference shtypi, zëdhënësi Guo Jiakun tha se kjo vërteton pozicionin dhe forcën unike të Hong Kongut, si edhe perspektivat e politikës “Një vend, dy sisteme”.
Hong Kongu ka hyrë në një fazë lulëzimi, tha ai, duke theksuar se po bëhet më tërheqës si një qendër financiare ndërkombëtare dhe po thith më shumë kompani dhe individë të huaj për të bërë investime dhe për të filluar biznese të reja.
Hong Kongu mbetet një nga ekonomitë më të lira në botë dhe rajonet më konkurruese. Të dhënat tregojnë se Bursa e Hong Kongut u rendit e para në botë, me një shkallë grumbullimi fondesh prej 14 miliardë dollarë në gjysmën e parë të vitit, tha Guo. Ai vuri në dukje se numri i vizitorëve të huaj, të pranuar nga Hong Kongu në pesë muajt e parë të vitit, u rrit me 18% nga viti në vit. Ndërkohë një numër i kompanive të mëdha ndërkombëtare janë rikthyer në rajon.
Foto nga ©VCG
Burimi ©CGTN
