Foto nga Xinhua
Zhao Leji, kryetar i Komitetit të Përhershëm të Asamblesë Kombëtare Popullore (AKP), organi më i lartë ligjvënës i Kinës, u takua të martën në Pekin me kryeministrin portugez Luis Montenegro.
Zhao theksoi në këtë takim që Kina është e gatshme të punojë me Portugalinë për të zbatuar konsensusin e rëndësishëm të arritur nga udhëheqësit e të dy vendeve dhe për të thelluar bashkëpunimin dypalësh.
Portugalia është e mirëpritur të marrë pjesë në Nismën e Zhvillimit Global, Nismën e Sigurisë Globale, Nismën e Qytetërimit Global dhe Nismën e Qeverisjes Globale, duke praktikuar bashkërisht multilateralizmin e vërtetë, vuri në dukje ai.
Zhao shtoi që AKP-ja e Kinës është e gatshme të thellojë shkëmbimet miqësore me parlamentin e Portugalisë dhe të forcojë shkëmbimin e përvojës në legjislacion e mbikëqyrje.
Duke i vlerësuar marrëdhëniet portugeze-kineze si një model për lidhjet dypalëshe, Montenegro theksoi nga ana e tij që Portugalia zbaton politikën e “një Kine” dhe vlerëson përpjekjet e Kinës lidhur me qeverisjen globale.
Portugalia është e gatshme që të thellojë bashkëpunimin praktik e shkëmbimet kulturore me Kinën dhe të nxisë shkëmbimet midis institucioneve ligjvënëse, për të çuar përpara lidhjet dypalëshe, tha ai.
