foto nga Xinhua
Takimi i 33-të i Udhëheqësve të Bashkëpunimit Ekonomik të Azi-Paqësorit (APEC) do të zhvillohet më 18 dhe 19 nëntor të vitit të ardhshëm në Shenzhen të Kinës, bashkë me Samitin e CEO-ve të APEC-ut dhe takimin e përbashkët të ministrave të jashtëm dhe tregtisë, njoftoi të premten zëdhënësi i Ministrisë së Jashtme kineze Guo Jiakun.
Në përgjigje ndaj një pyetjeje përkatëse, Guo bëri të ditur në një konferencë të përditshme për shtypin se gjatë “Vitit të Kinës” të APEC-ut 2026 pritet të zhvillohen afërsisht 300 veprimtari në shumë qytete të Kinës.
Sipas tij, Takimet e Zyrtarëve të Lartë do të zhvillohen në Guangzhou, Shangai dhe Dalian, përkatësisht në shkurt, maj dhe gusht të vitit të ardhshëm. Duke filluar nga maji i vitit të ardhshëm, rreth 10 takime ministrore sektoriale ose veprimtari të nivelit të lartë do të zhvillohen në vende të ndryshme, lidhur me fusha të tilla si tregtia, ekonomia digjitale, transporti, turizmi, burimet njerëzore, bizneset e vogla e të mesme, energjia, siguria ushqimore, financat dhe çështjet grave.
Të gjitha palët kanë shprehur mbështetje aktive lidhur me përgatitjet për organizimin e veprimtarive nga Kina dhe për arritjen e rezultateve të frytshme të tyre, theksoi Guo.
