foto nga VCG
Xi Jinping, Sekretari i Përgjithshëm i Komitetit Qendror të PKK-së, President i Republikës Popullore të Kinës dhe Kryetar i Komisionit Qendror Ushtarak, kohët e fundit lëshoi udhëzime të rëndësishme mbi edukimin ideologjik dhe moral të të miturve. Ai theksoi se që nga Kongresi i 18-të Kombëtar i PKK-së, Komiteti Qendror i PKK-së i ka kushtuar rëndësi të madhe edukimit ideologjik dhe moral të të miturve dhe ka marrë masa të shumta për të nxitur përparime dhe arritje të reja në aspekte të ndryshme të kësaj pune.
foto nga VCG
Xi Jinping theksoi se në udhëtimin e ri, është e nevojshme të zbatohet detyra themelore e nxitjes së virtytit përmes edukimit, të përmbahet në trajtimin e edukimit ideologjik dhe moral të të miturve si një detyrë strategjike dhe themelore, të përdoret vazhdimisht Mendimi i Xi Jinping-ut mbi Socializmin me karakteristikat kineze për një Epokë të Re për të kultivuar mendjet dhe shpirtrat e tyre, të përmirësohet mekanizmi i edukimit bashkëpunues midis shkollave, familjeve dhe shoqërisë, të edukohen dhe udhëzohen të miturit për të vendosur ideale të larta, të praktikojnë vlerat thelbësore socialiste, të kultivojnë karakter të mirë moral dhe zakone sjelljeje, dhe të përpiqen të bëhen ndërtues dhe pasardhës socialistë të cilët janë të gjithanshëm në edukimin moral, intelektual, fizik, estetik dhe të punës.
foto nga VCG
Komitetet e partisë dhe qeveritë në të gjitha nivelet, duhet të forcojnë udhëheqjen organizative. Departamentet dhe organizatat përkatëse, duhet të përmbushin me zell përgjegjësitë e tyre dhe të punojnë së bashku, për të krijuar një mjedis shoqëror të favorshëm për rritjen e shëndetshme të të miturve.
Një simpozium mbi edukimin ideologjik dhe moral të të miturve u mbajt në Pekin më 15 dhjetor. Në takim u përcollën udhëzimet e rëndësishme të Xi Jinping-ut. Cai Qi, anëtar i Komitetit të Përhershëm të Byrosë Politike të Komitetit Qendror të PKK-së dhe Sekretar i Sekretariatit të Komitetit Qendror të PKK-së, mori pjesë në takim dhe mbajti një fjalim.
