Në kuadër të Forumit të 8-të Ekonomik Ndërkombëtar “Hongqiao” u mbajt një nënforum mbi “Zhvillimin e qëndrueshëm bujqësor në Jugun Global” në Shangai të Kinës Lindore, 6 nëntor 2025. / CMG
Në kuadër të Forumit të 8-të Ekonomik Ndërkombëtar “Hongqiao” u zhvillua të enjten një nënforum mbi “Zhvillimin e qëndrueshëm bujqësor në Jugun Global”, duke shënuar herën e parë që kjo çështje përfshihet në programin e këtij forumi.
Diskutimet u përqendruan në sigurinë ushqimore, teknologjinë bujqësore, tregtinë e investimet dhe transformimin rural në vendet në zhvillim. Pjesëmarrësit thanë se përparimi i bujqësisë së qëndrueshme në Jugun Global është thelbësor për të garantuar sigurinë ushqimore, mbrojtjen e mjedisit dhe mbështetjen e rritjes ekonomike globale.
Fituesi i çmimit “Nobel” në kimi dhe profesor i Universitetit të Stanfordit Michael Levitt theksoi që biodiversiteti dhe risitë shkencore janë çelësi për zhvillimin e ardhshëm bujqësor, duke shtuar se inteligjenca artificiale do të luajë një rol kritik në riformësimin e shkencës bujqësore. Sipas tij, inovacioni i Kinës lidhur me kufizimet e tokës, veçanërisht në bujqësinë e saktë dhe lëndët bioplehëruese, ofron një përvojë të vlefshme për vendet e tjera.
Zhao Bing, përfaqësues i Kinës dhe drejtues i Zyrës së Programit Botëror të Ushqimit në Kinë, theksoi se fokusi i forumit në Jugun Global pasqyron ndërgjegjësimin në rritje që siguria ushqimore kërkon veprim të përbashkët. “Kjo nuk është vetëm përgjegjësi e fermerëve a shkencëtarëve,” tha Zhao. “Ne kemi nevojë për pjesëmarrje nga tërë sektorët për t’i trajtuar këto sfida së bashku.”
Pjesëmarrës të shumtë theksuan që përvoja e Kinës në modernizimin bujqësor ofron mësime të vlefshme për vendet në zhvillim.
