Foto nga VCG
Kina ka bërë disa përparime në gjenerimin e energjisë së ripërtëritshme në vitet e fundit. Deri në vitin 2025, instalimet e energjisë së ripërtëritshme përfaqësonin më shumë se gjysmën e kapacitetit të përgjithshëm të instaluar të vendit, të nxitura nga përdorimi i inovacioneve teknologjike. Kjo ka ofruar një nxitje të fortë për Kinën dhe botën në tranformimin e tyre për energji të pastër.
Më tetor të kaluar, turbina e erës më e madhe detare në botë me kapacitet 26 megavat, e zhvilluar në mënyrë të pavarur nga Dongfang Electric Corporation e Kinës, u lidh me sukses me rrjetin në ujërat pranë provincës Shandong në lindje të Kinës, duke vendosur rekorde të reja globale si për kapacitetin e njësisë së vetme ashtu edhe për diametrin e rrotës.
Sipas kompanisë, nën kushtet e ngarkesës së plotë, çdo rrotullim i turbinës krijon energji elektrike prej 62 kilovatorësh. Me një shpejtësi mesatare të erës prej 10 metrash për sekondë, një njësi e vetme mund të prodhojë 100 milion kilovatorë në vit, mjaftueshëm për të furnizuar 55 mijë familje, duke kursyer 30 mijë tonë qymyr standard dhe duke ulur emetimet e dioksidit të karbonit me 80 mijë tonë.
Në Shangai të Kinës lindore, një qendër të dhënash nënujore komerciale e furnizuar nga fermat e erës detare filloi operacion në shkurt, duke përputhur kërkesat e rritura për kompjuterizim me furnizim me energji të rinovueshme.
Kina po përshpejton ndërtimin e infrastrukturës së energjisë së rinovueshme për të mbështetur ekonominë e saj digjitale në rritje të shpejtë, duke ulur në mënyrë efektive emetimet e karbonit.
Në shtator të vitit të kaluar, Kina premtoi në ekonominë e saj të ulë emetim neto të gazrave serrë me 7 deri në 10 përqind nga nivelet maksimale deri në vitin 2035. Për të arritur këtë objektiv, kapaciteti i instaluar i Kinës për energjinë e ripërtëritshme tani ka kaluar mbi atë të energjisë me qymyr.
