foto nga VCG
Më shumë se 1.05 milion të moshuar në Kinë kanë përfituar nga një program mbarëkombëtar subvencionimi, i cili ofron kuponë konsumi për shërbimet e kujdesit për të moshuarit për personat me aftësi të kufizuara, njoftoi të martën Ministria e Çështjeve Civile e Kinës.
Programi, i cili filloi më 1 janar 2026, ka mundësuar përdorimin e mbi tre milionë kuponëve në të gjithë vendin, me një vlerë të përgjithshme të verifikuar prej 2.35 miliardë juanësh (rreth 341 milionë dollarë amerikanë). Sipas vlerësimit të ministrisë, këta kuponë kanë nxitur një konsum në shërbimet e kujdesit për të moshuarit prej rreth 11.5 miliardë juanësh.
foto nga VCG
Kuponët, të lëshuar çdo muaj në formë elektronike, mund të përdoren për një gamë të gjerë shërbimesh, si ndihma për dhënie ushqimi, për larje, për pastrimin e shtëpisë, mbështetja për lëvizjen, ndihma emergjente, ndihma mjekësore, kujdesi rehabilitues dhe përkujdesi ditor.
Për të zgjeruar shtrirjen e programit, ministria theksoi se do të thjeshtojë procedurat, do të përmirësojë cilësinë e shërbimeve dhe do të forcojë mbikëqyrjen gjatë zbatimit të programit, për të siguruar që më shumë të moshuar të përfitojnë nga zhvillimi i vendit.
foto nga VCG
