Ndërtesa e Komisionit Kombëtar të Zhvillimit dhe të Reformës në Pekin, 20 gusht 2025. / VCG
Kina do të ndërmarrë një varg masash për të rritur konsumin dhe për të nxitur gjallërinë e tregut, tha të premten Komisioni Kombëtar i Zhvillimit dhe i Reformës (NDRC).
Megjithëse disa tregues ekonomikë u luhatën në korrik, prirja e përgjithshme e zgjerimit të konsumit dhe optimizimit të strukturës së investimeve mbetet e pandryshuar, vuri në dukje në një konferencë shtypi zëdhënësi i NDRC-së Li Chao.
Të dhënat tregojnë që shitjet me pakicë të mallrave të konsumit në Kinë u shtuan 3.7 për qind në korrik në krahasim me të njëjtin muaj të vitit të kaluar, ndërsa për shtatë muajt e parë të 2025-s rritja e shitjes me pakicë të mallrave dhe e shërbimeve arriti në rreth 5 për qind.
Foto nga VCG
“Kina është tashmë tregu më i madh i botës për konsumin fizik, por ka ende hapësirë të madhe rritjeje në konsumin për frymë, veçanërisht në shërbime,” tha Li.
Ai shtoi se NDRC-ja do të vijojë të nxisë kërkesën e brendshme dhe të stimulojë konsumin, duke marrë disa masa dhe nisma.
Së pari, shtimi i punësimit dhe i sigurisë së të ardhurave. Do të nisin programe të përgatitjes profesionale në shkallë të gjerë për të përmirësuar aftësitë e punëtorëve, me theks të veçantë në përkrahjen e grupeve të tilla kyçe si të diplomuarit e universiteteve dhe punëtorët nga fshati për sigurimin e punësimit. Gjithashtu, do të përmirësohet mekanizmi për rregullimin e standardeve minimale të pagave, për të shtuar fuqinë blerëse të konsumatorëve.
Së dyti, do të zgjerohet oferta me cilësi të lartë. Në këtë kornizë, do të zbatohet në mënyrë të qëndrueshme dhe do të zgjerohet politika e ndërrimit të produkteve të vjetta me të reja, ndërsa edhe do të përshpejtohen politikat e reja në fushat që përfshijnë që ashtuquajturën ekonomi e debutimit, konsumin digjital dhe “AI + konsum”. Po ashtu, do të ndërmerren masa të ndryshme mbështetjeje për të nxitur konsumin e shërbimeve në turizmin kulturor, veprimtaritë sportive, kamping dhe sektorë të tjerë të rinj.
Foto nga VCG
Së treti, përmirësimi i mjedisit të konsumit. Do të formohen marka konsumi shërbimesh të besueshme dhe do të përkrahen organet e qeverisjes vendore në krijimin e skenarëve të konsumit të orientuar drejt familjes dhe miqësore ndaj të moshuarve.
