foto nga CMG
Kina lëshoi një grup satelitësh nga ujërat pranë provincës lindore Shandong të premten në mëngjes.
Raketa mbartëse komerciale “CERES-1 Y7”, që mbante katër satelitë për yjësinë “Tianqi”, u nis në orën 4:10 të mëngjesit dhe i dërgoi ata në orbitën e paracaktuar.
“CERES-1”, i zhvilluar nga prodhuesi i raketave komerciale me bazë në Pekin “Galactic Energy”, është një raketë e vogël me shtytës të ngurtë e krijuar për dërgimin e mikrosatelitëve në orbitën e ulët të Tokës.
“Tianqi” është yjësia e parë e komunikimit të të dhënave në orbitën e ulët të Tokës për internetin e gjërave (IoT) në Kinë, me mbulim global, përmasë të vogël, harxhim të paktë të energjisë dhe kosto të ulët. Ai mund të ofrojë shërbime të të dhënave satelitore IoT në nivel konsumatori për përdoruesit globalë, duke mbuluar hapësirën, ajrin, tokën dhe detin.
Kjo yjësi është përdorur gjerësisht në fusha të tilla si pylltaria, bujqësia, reagimi ndaj emergjencave, turizmi, ruajtja e ujit, energjia elektrike, nafta, sektori detar, mjedisi ekologjik, qytetet inteligjente dhe ekonomia digjitale.
Misioni në det u krye nga Qendra e Lëshimit të Satelitëve e Taiyuan-it dhe ishte misioni i 23-të i fluturimit nga raketa mbartëse “CERES-1”.
