foto nga VCG
Tregu i lojërave në Kinë arriti të ardhura aktuale nga shitjet prej mbi 350 miliardë juanësh (rreth 49.6 miliardë dollarë amerikanë) në vitin 2025, një rritje prej 7.68 për qind në baza vjetore, sipas një raporti të industrisë, shkruan “Xinhua”.
Tregu i lojërave u shërbeu 683 milionë përdoruesve në të gjithë vendin këtë vit, një rritje prej 1.35 për qind krahasuar me vitin e kaluar, sipas raportit të publikuar nga Shoqata kineze e Publikimeve Audio-Video dhe Digjitale gjatë Konferencës Vjetore të Industrisë së Lojërave në Kinë 2025 të mbajtur në Shangai.
foto nga VCG
Raporti gjithashtu thekson performancën e fortë të lojërave vendase të Kinës si brenda ashtu edhe jashtë vendit. Këtë vit, lojërat kineze gjeneruan të ardhura aktuale nga shitjet prej mbi 291 miliardë juanësh në tregun vendas. Ndërkohë, të ardhurat aktuale nga shitjet jashtë vendit të lojërave kineze arritën në 20.45 miliardë dollarë amerikanë, duke tejkaluar pragun prej 100 miliardë juanësh për të gjashtin vit radhazi.
foto nga VCG
Këtë vit, industria e lojërave në Kinë ka shënuar rritje të qëndrueshme, me inovacion teknologjik të përmirësuar, performancë të dukshme jashtë vendit dhe përpjekje të intensifikuara për të mbrojtur lojtarët e vegjël. Në raport thuhet se kjo industri luan një rol pozitiv në nxitjen e zhvillimit ekonomik dhe shoqëror të vendit, nxitjen e prosperitetit kulturor dhe stimulimin e vitalitetit inovativ dhe krijues.
