Foto nga VCG
Të hënën, Wang Yi, anëtar i Byrosë Politike të Komitetit Qendror të PKK-së dhe Ministër i Jashtëm i Kinës shkëmbeu mesazhe urimi me Gedion Timotheos, Ministër i Jashtëm i Etiopisë, për të festuar 55-vjetorin e vendosjes së lidhjeve diplomatike mes dy vendeve.
Wang Yi deklaroi se miqësia tradicionale midis Kinës dhe Etiopisë është e thellë dhe e qëndrueshme. Gjatë 55 viteve të fundit, që nga vendosja e lidhjeve diplomatike, të dyja palët gjithmonë e kanë trajtuar njëra-tjetrën me sinqeritet, e kanë mbështetur dhe kanë vendosur së bashku një model solidariteti dhe bashkëpunimi mes vendeve në zhvillim. Vitet e fundit, nën udhëheqjen strategjike të liderëve të dy vendeve, marrëdhëniet Kinë-Etiopi kanë ruajtur një nivel të lartë zhvillimi. Besimi i ndërsjellë politik ka vazhduar të thellohet dhe bashkëpunimi pragmatik ka dhënë rezultate të frytshme, duke i sjellë vërtet dobi popujve të të dy vendeve.
“Jam i gatshëm të punoj me Ministrin e Jashtëm Gedion Timotheos për ta shfrytëzuar 55-vjetorin e vendosjes së marrëdhënieve diplomatike si një mundësi për të thelluar shkëmbimet dhe bashkëpunimin midis dy ministrive të jashtme, për të zbatuar rezultatet e Samitit të Pekinit të Forumit për Bashkëpunim Kinë-Afrikë dhe konsensusin e rëndësishëm të arritur nga liderët e dy vendeve, për të thelluar vazhdimisht marrëdhëniet e partneritetit strategjik midis Kinës dhe Etiopisë, si dhe për të dhënë kontribute më të mëdha në ndërtimin e një komuniteti të të gjitha moteve Kinë-Afrikë me një të ardhme të përbashkët në epokën e re.”tha Wang.
Gedion Timotheos deklaroi se Etiopia dhe Kina gëzojnë një miqësi të thellë tradicionale. Marrëdhëniet e tyre miqësore dhe bashkëpunuese janë ndërtuar mbi respektin e ndërsjellë, barazinë sovrane dhe një vizion të përbashkët për zhvillim. Gjatë 55 viteve, që nga vendosja e lidhjeve diplomatike, marrëdhëniet dypalëshe kanë vazhduar të thellohen, me bashkëpunimin pragmatik që po jep përfitime të ndërsjella dhe rezultate të favorshme për të dyja palët, duke demonstruar një trend zhvillimi shumëdimensional dhe strategjik, si dhe duke u bërë një model i bashkëpunimit Jug-Jug. Kina luan një rol të rëndësishëm në procesin e zhvillimit kombëtar të Etiopisë, duke promovuar ndjeshëm infrastrukturën dhe industrializimin e Etiopisë. Vitet e fundit, nën udhëheqjen strategjike të udhëheqësve të të dy vendeve, Etiopia dhe Kina kanë punuar së bashku për të adresuar sfidat e një situate komplekse globale dhe kanë bashkëpunuar ngushtë në çështjet ndërkombëtare dhe rajonale me interes të përbashkët, duke i ngritur lidhjet dypalëshe në marrëdhënie partneriteti strategjik të të gjitha moteve. Etiopia do të punojë gjithmonë me Kinën, për të zgjeruar vazhdimisht bashkëpunimin pragmatik, për të adresuar së bashku rreziqet dhe sfidat, si dhe për të përfituar së bashku popujt e të dy vendeve.
