Foto nga VCG
Zëvendësministri i Jashtëm i Kinës, Ma Zhaoxu, u shpreh të premten që Kina është e gatshme të punojë me Shtetet e Bashkuara për të gjetur rrugën e duhur që të dy këto vende të mëdha të kenë marrëdhënie të mira në epokën e re.
Duke folur në një konferencë për shtypin, Ma theksoi se Kina është e përkushtuar ndaj respektit të ndërsjellë, bashkëjetesës paqësore dhe bashkëpunimit me përfitime të përbashkëta me Shtetet e Bashkuara, duke mbrojtur me vendosmëri sovranitetin e vet kombëtar, sigurinë dhe interesat e zhvillimit.
Ai vuri në dukje gjithashtu që nuk do të kenë sukses përpjekjet për të ushtruar trysni ose për ta detyruar Kinën, dhe çdo përpjekje për të frenuar zhvillimin e Kinës ose për të penguar rigjallërimin e kombit kinez do të dështojë.
“Ne jemi të gatshëm të punojmë bashkë me palën amerikane dhe të ecim në të njëjtin drejtim me të, të ndjekim konsensusin e rëndësishëm të arritur nga dy krerët e shteteve, të ruajmë komunikimin, të menaxhojmë dallimet, të zgjerojmë bashkëpunimin dhe të vazhdojmë të kërkojmë mënyrën e duhur që dy vendet e mëdha të kenë marrëdhënie të mira në epokën e re,” tha ai.
