Foto nga Xinhua
Zv.kryeministri kinez He Lifeng shprehu mirëpritje të hënën për ndërmarrjet e huaja, duke përfshirë “Warburg Pincus”, dhe kapitalin afatgjatë për të vazhduar zgjerimin e investimeve të tyre në Kinë dhe thellimin e bashkëpunimit me dobi të ndërsjellë me Kinën.
He, gjithashtu anëtar i Byrosë Politike të Komitetit Qendror të Partisë Komuniste të Kinës (PKK), i tha këto gjatë takimit me ish-sekretarin e Thesarit të ShBA-së Timothy Geithner, tani kryetar i “Warburg Pincus”.
Zv.kryeministri theksoi që Kina po zbaton plotësisht parimet udhëzuese të plenumit të katërt të Komitetit të 20-të Qendror të PKK-së, në përputhje me sugjerimet dhe përcaktimet e planit të 15-të pesëvjeçar, dhe po nxit ndërtimin e një tregu kombëtar të njësuar, duke zgjeruar në mënyrë të palëkundur hapjen e nivelit të lartë dhe duke nxitur zhvillimin ekonomik me cilësi të lartë.
Nga ana e tij, Geithner tha se është optimist rreth perspektivave të zhvillimit ekonomik të Kinës, duke shtuar që “Warburg Pincus” është i gatshëm të vazhdojë të thellojë praninë e tij në tregun kinez dhe të nxisë thellimin e bashkëpunimit ekonomik e tregtar midis Shteteve të Bashkuara dhe Kinës.
