foto nga Xinhua
Zv/Presidenti i Kinës Han Zheng u takua të enjten në Pekin me Emmanuel Bonne, këshilltarin diplomatik të Presidentit të Francës.
Han tha se Kina është e gatshme të punojë me Francën për të zbatuar plotësisht konsensusin e rëndësishëm të arritur midis krerëve të shteteve të tyre, për t’iu përmbajtur politikave të pavarura, për të rritur shkëmbimet dhe besimin e ndërsjellë, për të promovuar bashkëpunimin pragmatik me një mendësi të hapur, si edhe për të forcuar bashkëpunimin shumëpalësh.
foto nga VCG
Ai shprehu shpresën se Franca do të luajë një rol konstruktiv në promovimin e zhvillimit të shëndoshë të marrëdhënieve midis Kinës dhe Bashkimit Evropian.
Bonne tha se Franca është e gatshme të mbajë shkëmbime të ngushta të nivelit të lartë me Kinën, të thellojë bashkëpunimin dypalësh dhe koordinimin shumëpalësh, si dhe të punojë me Kinën për të adresuar sfidat globale, duke shprehur gatishmërinë për të promovuar në mënyrë aktive dialogun dhe bashkëpunimin BE-Kinë.
