Përmbytje në një provincën Hunan, Kinë Jugore, maj 2026/Foto nga VCG
Zyra e Qendrës Shtetërore të Kontrollit të Përmbytjeve dhe Lehtësimit të Thatësirave dërgoi të martën një ekip pune në provincën Guizhou të Kinës Jugperëndimore, për të ndihmuar dhe drejtuar punën e kontrollit të përmbytjeve dhe ndihmës në fatkeqësi, bëri të ditur Ministria e Menaxhimit të Emergjencave e Kinës.
Tre ekipe pune të dërguara më parë, po punojnë ende në zonat e prekura në provincat Hunan, Hubei dhe Rajonin Autonom Guangxi-Zhuang. Ndërkohë Qendra vazhdon të mbajë përgjigje emergjente të nivelit IV për kontrollin e përmbytjeve në Hubei, Hunan, Guangxi dhe Guizhou.
Kina ka një sistem përgjigjeje emergjente prej katër nivelesh, ku niveli I është përgjigja më e rëndë.
Shi në qytetin Guangzhou, Kinë Jugore, maj 2026/Foto nga VCG
Një konsultim i përbashkët u mbajt të martën me autoritetet meteorologjike, të burimeve ujore dhe burimeve natyrore, si dhe rajonet përkatëse provinciale, për të vlerësuar prirjen e zhvillimit të raundit të fundit të reshjeve të dendura dhe për të rregulluar punën e kontrollit të përmbytjeve dhe ndihmës në fatkeqësi në zonat e prekura.
Raundi aktual i reshjeve të dendura është më i forti që nga fillimi i sezonit të përmbytjeve të këtij viti, sipas rezultateve të konsultimit. Brezi kryesor i shiut është zhvendosur më tej në drejtim të lindjes dhe jugut, me shira të rrëmbyeshëm që priten ende në Hubei, Hunan, Guangxi, Guizhou, Jiangxi, Shandong dhe Anhui.
Disa zona kanë tokë të lagur me ujë dhe nivele relativisht të larta ujrash në lumenj, liqene dhe rezervuarë, duke rritur më tej rreziqet e rënies së përmbytjeve malore, katastrofave gjeologjike, përmbytjeve në lumenj të vegjël dhe të mesëm dhe përmbytjeve urbane.
Përmbytje në një fshat të provincës Hubei, Kinë Jugore, 18 maj 2026/Foto nga VCG
Autoriteteve lokale dhe departamenteve përkatëse u kërkuan të qëndrojnë në gatishmëri të lartë, të vënë jetën e njerëzve në vend të parë dhe të bëjnë përpjekje të forta në kontrollin e përmbytjeve dhe ndihmën në raste katastrofash.
