John Lee, Shefi Ekzekutiv i Rajonit të Posaçëm Administrativ të Hong Kongut/CMG
John Lee, Shefi Ekzekutiv i Rajonit të Posaçëm Administrativ të Hong Kongut, mirëpriti të martën librin e bardhë “Hong Kongu: Mbrojtja e Sigurisë Kombëtare të Kinës sipas Kornizës ‘Një Vend, Dy Sisteme'” të publikuar nga Zyra e Informacionit e Këshillit të Shtetit.
Lee u shpreh në një deklaratë se ai do të mbështesë dhe të zbatojë plotësisht përmbajtjen dhe kërkesat e librit të bardhë.
Libri i bardhë shpjegon hollësisht se si lufta për mbrojtjen e sigurisë kombëtare në Hong Kong është e pamëshirëshme. Lee tha se që nga rikthimi i Hong Kongut në atdhe, manipulimi i agjitatorëve kundër Kinës në Hong Kong dhe forcave të jashtme armiqësore, kishte bllokuar prej kohësh legjislacionin sipas Nenit 23 të Ligjit Themelor të Rajonit të Posaçëm Administrativ të Hong Kongut, duke krijuar mundësi destabilizuese.
Sot, ndërsa Hong Kongu po bën çdo përpjekje për të nxitur ekonominë, për të stimuluar zhvillimin, për të zhvilluar ndërtime dhe për të përmirësuar jetesën e njerëzve, duhet të kihet parasysh se rreziqet e sigurisë kombëtare ende ekzistojnë mes nesh dhe mund të shpërthehen në mënyrë të papritur, shtoi ai.
Foto nga VCG
Libri i bardhë deklaron se qeveria qendrore ka përgjegjësi themelore për çështjet e sigurisë kombëtare që përfshijnë Hong Kongun. Lee shprehu mbështetje dhe mirënjohje për aktin vendimtar të qeverisë qendrore në një moment kritik në Hong Kong, duke formuluar në nivel shtetëror ligjin e sigurisë kombëtare në rajon për shpalljen dhe zbatimin e tij në nivel lokal.
Ligji i sigurisë kombëtare në Hong Kong i dha fund gjendjes së pambrojtshmërisë së sigurisë kombëtare që kishte vazhduar për më shumë se dy dekada, që nga rikthimi i Hong Kongut, dhe i dha fund “dhunës së veshur me të zeza” që mbizotëronte në Hong Kong në atë kohë, tha Lee, duke shtuar se qeveria e Rajonit të Posaçëm Administrativ të Hong Kongut ka luftuar me forcë të plotë dhe në përputhje me ligjin, aktet dhe aktivitetet që rrezikojnë sigurinë kombëtare, ndaj si rezultat, në komunitet është rikthyer rendi.
Libri i bardhë ilustron arritjet e Hong Kongut në përmbushjen e përgjegjësive kushtetuese për mbrojtjen e sigurisë kombëtare. Lee tha se ligji i sigurisë kombëtare në Hong Kong dhe Urdhëresa për Mbrojtjen e Sigurisë Kombëtare, funksionojnë si një tërësi integrale për mbrojtjen e sigurisë kombëtare në rajon, duke mbrojtur efektivisht të drejtat dhe liritë që gëzojnë banorët e Hong Kongut në përputhje me ligjin, si dhe duke siguruar themele të forta për sigurinë dhe zhvillimin e Hong Kongut.
Foto nga VCG
Libri i bardhë deklaron se Hong Kongu po përparon nga çrregullimet në qëndrueshmëri dhe lulëzim. Lee tha se nën kujdesin e ligjit të sigurisë kombëtare në Hong Kong si dhe Urdhëresës për Mbrojtjen e Sigurisë Kombëtare, shoqëria e Hong Kongut është më e qëndrueshme dhe më e begatë. Jeta normale dhe zhvillimi i popullit të Hong Kongut janë të garantuara plotësisht dhe agjencitë ndërkombëtare të vlerësimit vazhdojnë t’i japin rajonit vlerësime pozitive.
Libri i bardhë përcakton kërkesat praktike të krijimit të sigurisë me standarde të larta për zhvillimin me cilësi të lartë të parimit “një vend, dy sisteme”. Lee tha se Hong Kongu duhet të punojë nën drejtimin e një qasjeje holistike ndaj sigurisë kombëtare, të mbrojë me vendosmëri sovranitetin kombëtar, interesat e sigurisë dhe zhvillimit, si dhe të mbrojë sigurinë kombëtare gjatë gjithë procesit të zbatimit të parimit “një vend, dy sisteme”.
Lee tha se siguria është parakusht për zhvillim dhe zhvillimi është garanci për sigurinë. Qeveria e Rajonit të Posaçëm Administrativ të Hong Kongut do të ruajë me vendosmëri sigurinë kombëtare dhe do të promovojë zhvillimin ekonomik. Gjithashtu është e përkushtuar për të çuar përpara zhvillimin me cilësi të lartë të kornizës “një vend, dy sisteme”, nën kujdesin e sigurisë së nivelit të lartë, si dhe për të arritur siguri të nivelit të lartë përmes zhvillimit me cilësi të lartë.
