Foto nga CMG
Nga 7 deri në 8 prill u mbajt në Pekin Konferenca Kombëtare e Sektorit të Shërbimeve.
Vitet e fundit sektori i shërbimeve i Kinës ka treguar një vrull të fortë zhvillimi, me mundësi të mëdha rritjeje. Në vitin 2025, vlera e shtuar e këtij sektori i tejkaloi 80 trilionë juanët (11.72 trilionë dollarë amerikanë) për herë të parë, duke përbërë 57.7 % të PBB-së së vendit. Sektori i shërbimeve ka kontribuuar për 61.4 % të rritjes së ekonomisë kombëtare, shifër kjo që ka qenë mbi 50 % për 11 vjet me radhë.
Sektori i shërbimeve është i lidhur ngushtë me jetën e përditshme të banorëve. Në të gjithë Kinën, njerëzit po përjetojnë lehtësinë e shërbimeve në fusha si blerjet, ushqimi, turizmi, me ofrimin e një game gjithnjë e më të gjerë alternativash. Për më tepër, sektori i shërbimeve po bëhet një fushë e rëndësishme e hapjes së Kinës ndaj botës së jashtme. Turistët e huaj mund të gëzojnë shërbime më të mira gjatë qëndrimit të tyre në Kinë.
