Foto nga VCG
Të dielën, presidenti i Ekuadorit Daniel Roy-Gilchrist Noboa Azin mbërriti në Pekin për një vizitë 8-ditore, vizita e tij e parë shtetërore në Kinë.
Vitet e fundit, nën udhëheqjen strategjike të dy kryetarëve të shtetit, marrëdhëniet Kinë-Ekuador kanë ruajtur një rritje të qëndrueshme. Të dy palët kanë nënshkruar një dokument për bashkëpunimin në nismën “Një brez, një rrugë” dhe një marrëveshje për tregtinë e lirë.
Kina është partnerja e 2-të më e madhe tregtare e Ekuadorit. Eksportet kineze në Ekuador përfshijnë automjetet dhe pjesët e këmbimit, pajisjet elektro-mekanike dhe çelikun. Ekuadori është partneri i 8-të më i madh tregtar i Kinës në Amerikën Latine, duke eksportuar naftë bruto, karkaleca deti dhe burime minerare. Tregtia 2-palëshe arriti 17.33 miliardë dollarë më 2025.
Ky vit shënon 10-vjetorin e partneritetit të gjithanshëm strategjik Kina-Ekuador. Dy vendet kanë arritur rezultate të pasura në bashkëpunimin praktik në fusha të ndryshme.
Një zëdhënës i Ministrisë së Jashtme të Kinës tha se Kina shpreson që vizita e presidentit ekuadorian do të ndihmojë në forcimin e besimit të ndërsjellë politik midis dy vendeve, do të zhvillojë më tej miqësinë tradicionale dhe do të arrijë përparim të ri në partneritetin e gjithanshëm strategjik për të mirën e të dy popujve.
