Zëdhënësi i Ministrisë së Punëve të Jashtme kineze, Guo Jiakun/Foto nga CMG
Zëdhënësi i Ministrisë së Punëve të Jashtme kineze, Guo Jiakun, tha të martën që të drejtat dhe interesat e ligjshme të Kinës në Venezuelë duhet të mbrohen.
Guo i bëri këto komente në një konferencë të rregullt për shtypin, kur u pyet nëse një marrëveshje e re për naftën midis Shteteve të Bashkuara dhe Venezuelës do të ndikonte në investimet ekzistuese të Kinës në Venezuelë.
“Kina gjithmonë ka qenë e mendimit që marrëdhëniet midis vendeve duhet të trajtohen në përputhje me qëllimet e parimet e Kartës së OKB-së,” u shpreh Guo.
Sipas tij, bashkëpunimi ekonomik e tregtar midis vendeve duhet të ndjekë parimet e barazisë dhe përfitimeve të ndërsjella.
Guo theksoi se bashkëpunimi midis Kinës dhe Venezuelës mbrohet nga e drejta ndërkombëtare dhe ligjet e të dy vendeve, duke shtuar që të drejtat dhe interesat e ligjshme të Kinës në Venezuelë duhet të mbrohen.
