Foto nga VCG
Zyra e Informacionit të Këshillit të Shtetit të Kinës mbajti të premten një konferencë për shtyp, në lidhje me fillimin e periudhës së Planit të 15-të Pesëvjeçar (2026–2030), duke paraqitur masat për të nxitur zhvillimin me cilësi të lartë të sistemit të sigurimit shëndetësor të vendit, për t’i shërbyer më mirë modernizimin kinez.
Gjatë periudhës së Planit të 14-të Pesëvjeçar (2021–2025), Kina ndërtoi sistemin më të madh të sigurimit bazë shëndetësor në botë, me një mbulim që mbeti stabil rreth 95%.
Lista e barnave të sigurimit bazë u zgjerua në 3253 barna, ndërsa teknologjitë dhe programet e reja u përfshinë në mbulimin e sigurimit. Normat e rimbursimit për shpenzimet mjekësore spitalore brenda fushës së politikës së sigurimit, arritën rreth 80% për punonjësit dhe 70% për banorët.
Reformat në metodat e pagesës së sigurimeve dhe programet e blerjes së centralizuar me shumicë u zbatuan në të gjithë vendin. Të gjitha zonat e grumbullimit në mbarë vendin kanë zbatuar shlyerje të menjëhershme midis fondeve të sigurimeve shëndetësore dhe institucioneve të caktuara mjekësore. Norma e shlyrjes së drejtpërdrejtë për trajtimin mjekësor ndërprovincial arriti në 90%.
Foto nga VCG
Fondet e sigurimeve shëndetësore funksionuan në mënyrë të sigurt dhe të qëndrueshme, duke siguruar rimbursim në kohë për trajtimin mjekësor të njerëzve dhe blerjen e barnave.
Në konferencën për shtyp, një zyrtar i Administratës Kombëtare të Sigurimit Shëndetësor tha se gjatë periudhës së Planit të 15-të Pesëvjeçar, Kina synon:
– të vazhdojë të forcojë themelet e sistemit të saj universal të sigurimeve dhe të optimizojë strukturën e mbulimit duke zgjeruar mbulimin për punonjësit midis grupeve kryesore, përfshirë punëtorët fleksibël, punëtorët migrantë dhe njerëzit në forma të reja punësimi.
– të vazhdojë të përmirësojë mbulimin mjekësor të maternitetit, duke mundësuar shlyerjen e drejtpërdrejtë të shpenzimeve mjekësore të lidhura me maternitetin për personat e siguruar dhe pagesën e drejtpërdrejtë të përfitimeve të lindjes për individët.
– të krijojë një sistem kombëtar sigurimi për kujdes afatgjatë, të përmirësojë politikat për shërbimet e kujdesit afatgjatë dhe të rrisë kapacitetin dhe cilësinë e shërbimeve të tilla.
– të çojë më tej reformat në metodat e pagesës së sigurimeve për të ndihmuar institucionet mjekësore të përmirësojnë cilësinë dhe efikasitetin. Gjithashtu, do të zbatojë programe të blerjes së centralizuara me shumicë për ilaçet dhe materialet mjekësore të konsumueshme në një mënyrë më të standardizuar dhe të institucionalizuar, dhe do të nxisë përdorimin e mini-programeve të krahasimit të çmimeve të ilaçeve në farmacitë e caktuara në të gjithë vendin.
Foto nga VCG
– të përmirësojë menaxhimin e katalogut të sigurimeve, të rrisë mbështetjen për ilaçet, pajisjet dhe shërbimet mjekësore inovative dhe të ndihmojë produktet farmaceutike kineze të arrijnë tregjet ndërkombëtare. Gjithashtu do të forcojë mbikëqyrjen e fondeve të sigurimeve dhe do të përmirësojë menaxhimin e të gjithë procesit.
Zyrtari shtoi se Kina planifikon të përmirësojë shërbimet, duke u lejuar njerëzve të aksesojnë shërbimet jashtë rajoneve të tyre të origjinës ose në vende të afërta, ndërsa zgjeron përdorimin e njohjes së fytyrës, shërbimeve të pagesave me një kod, celular dhe të bazuara në kredi, dhe duke mundësuar përdorimin e përbashkët të llogarive individuale në kuadër të sigurimit mjekësor të punonjësve.
Masat do t’i bëjnë shërbimet publike të sigurimeve shëndetësor më të përshtatshme dhe të larmishme, ndërsa do të përmirësojnë përvojën e njerëzve me shërbimet, tha zyrtari.
Li Tao, nënkryetar i Administratës Kombëtare të Sigurimit Shëndetësor, shtoi në konferencën për shtyp se Kina do të vazhdojë të rregullojë çdo vit listën kombëtare të barnave të sigurimit shëndetësor dhe ta përditësojë atë me më shumë barna inovative për sëmundje të rënda si kanceri, sëmundjet kronike, sëmundjet e rralla dhe gjendjet pediatrike.
Autoritetet do të punojnë gjithashtu për të krijuar një listë të unifikuar kombëtare të rimbursimit për shërbimet dhe furnizimet mjekësore, me qëllim ngushtimin e ndryshimeve në politikat në mbulimin e sigurimeve mjekësore midis rajoneve, tha Li.
