Zëdhënësi i Ministrisë së Jashtme të Kinës, Guo Jiakun/Foto nga VCG
Kina bëri thirrje të martën për një qasje të ekuilibruar ndaj inteligjencës artificiale (AI), duke thënë se teknologjia duhet të zhvillohet drejt së mirës dhe të qeveriset përmes bashkëpunimit të gjerë ndërkombëtar, ndërsa përparon me një shpejtësi të lartë.
Zëdhënësi i Ministrisë së Jashtme të Kinës, Guo Jiakun, i bëri komentet pasi një gazetar kërkoi shpjegime të mëtejshme për përgjigjen e Kinës një ditë më parë, ndaj thirrjeve të drejtuesve të teknologjisë amerikane për ngadalësimin e zhvillimit të përparuar të AI-së. Gazetari gjithashtu pyeti si e vlerëson Kina rrezikun që AI mund të përdoret për të prodhuar armë biologjike.
“Ne kemi vënë re vërejtjet e fundit nga njerëz në industrinë amerikane të AI-së,” tha Guo. “Sa më shpejt të përparojë teknologjia e AI-së, aq më e rëndësishme është të ankorohet drejtimi i saj ndaj së mirës dhe përfitimit të njerëzimit, të kuptohet saktësisht shkalla e rregullimit dhe qeverisjes dhe të përmirësohen masat për të parandaluar humbjen e kontrollit në kohën e duhur.”
Guo tha se Kina gjithmonë i ka kushtuar rëndësi zhvillimit të barabartë, sigurisë së AI-së si dhe rreziqeve të ndryshme endogjene dhe derivative të sjella nga AI dhe është e përkushtuar ndaj sigurimit të vijës fundore të sigurisë, përmirësimeve ligjore, rregulloreve, sistemeve e politikave, normave të aplikimit dhe rregullave etike, si dhe parandalimit të abuzimit dhe keqpërdorimit, në mënyrë që AI të mbetet e sigurt, e besueshme dhe e kontrollueshme.
Departamentet përkatëse të Kinës publikuan Kornizën e Qeverisjes së Sigurisë së AI-së 3.0 një ditë më parë, tha Guo. Korniza rendit dhe përditëson kategoritë e rreziqeve të sigurisë së përkatëse dhe ofron sugjerime për optimizimin e përgjigjeve teknike dhe masave gjithëpërfshirëse të qeverisjes, shtoi ai.
Guo e përshkroi AI-në si një mençuri të përbashkët dhe pasuri e vlefshme për të gjithë njerëzimin, duke thënë se zhvillimi dhe qeverisja e saj kërkojnë multilateralizëm të vërtetë, ku të gjitha vendet që marrin pjesë formojnë një kuadër qeverisjeje global që gëzon konsensus të gjerë. “Mbështetja vetëm në disa vende ose kompani, nuk mund të prodhojë një zgjidhje efektive”, tha ai.
Kina gjithmonë mbështet rolin e OKB-së si kanali kryesor në qeverisjen globale të AI-së, tha Guo. Ai shtoi se Kina po merr pjesë në qeverisjen shumëpalëshe të AI-së në një mënyrë të përgjegjshme dhe është e gatshme të punojë me të gjitha vendet për të ndërtuar një sistem global të qeverisjes së AI-së të drejtë dhe të arsyeshëm dhe për të promovuar zhvillimin gjithëpërfshirës dhe të dobishëm të AI-së.
