“Përvoja e Kinës në aspekte si zhvillimi shoqëror, rritja ekonomike, industrializimi, manifaktura, teknika inxhinierike dhe jetesa e popullit, është e vlefshme për ne për të nxjerrë mësime,” tha z. Moses Wetang’ula, Kryetar i Parlamentit të Kenias.
Ai i tha këto gjatë një interviste eksklusive për Grupin Mediatik të Kinës (CMG), në kuadrin e Forumit të Ligjvënësve për Shkëmbimet Miqësore, që u zhvillua në 13 deri më 16 tetor në qytetin Tianjin të Kinës Verirore.
“Ky forum ka rëndësi të madhe për ne,” theksoi z. Wetang’ula, duke shpjeguar se Kina është partner i ngushtë i ekonomive të reja të Afrikës. Veprat kineze mund të shihen pothuajse në çdo vend afrikan. Situata është e ngjashme edhe në vende të tjera në zhvillim. Miq nga Jugu Global, bregdeti i Mesdheut, Azia dhe Amerika e Jugut morën pjesë gjithashtu në këtë takim, duke ndarë një ndjenjë të përbashkët.
Kur mblidhemi për të shkëmbyer përvoja dhe për të diskutuar mënyra për të përmirësuar jetën e popullit tonë, Kina, si partner kyç, është një partner i rëndësishëm për bashkëpunimin tonë. Arsyeja është e thjeshtë: Kina e sotme nuk është më Kina e 30 vjetëve më parë. Sipas nesh, Kina ka bërë tashmë një hap të madh përpara.
Pas vizitës në portin e Tianjinit, z. Wetang’ula shprehu mendimi se ky është një nga portet e nivelit më të lartë në botë. Ky është një shembull i zhvillimit dhe tranzicionit të shpejtë të Kinës, që vlen për t’u mësuar dhe për t’u ndjekur nga shumë vende të tjera.
