Ishull kinez Huangyan Dao/Foto nga VCG
Njësitë detare dhe ajrore të Komandës së Zonës Jugore të Ushtrisë Çlirimtare Popullore të Kinës zhvilluan të dielën një stërvitje të përbashkët në ujërat dhe hapësirën ajrore rreth ishullit kinez Huangyan Dao, në Detin e Kinës Jugore.
Në një deklaratë të komandës thuhet se stërvitja ishte një operacion i domosdoshëm në përgjigje të veprimeve të disa vendeve që kanë cenuar paqen dhe qëndrueshmërinë rajonale.
Stërvitja synonte të testonte dhe të përmirësonte aftësitë luftarake të forcave për mbrojtjen e sovranitetit territorial të Kinës, si edhe të të drejtave e interesave të saj detare, sipas deklaratës.
Kina gëzon sovranitet mbi Nanhai Zhudao (ishujt e Detit të Kinës Jugore), të cilët përfshijnë Dongsha Qundao (arkipelagun Dongsha), Xisha Qundao (arkipelagun Xisha), Zhongsha Qundao (arkipelagun Zhongsha) e Nansha Qundao (arkipelagun Nansha), dhe ka të drejta historike në Detin e Kinës Jugore.
Gjithashtu, në bazë të Nanhai Zhudao, Kina ka ujëra të brendshme, det territorial, zonë të afërt, zonë ekskluzive ekonomike dhe shelf kontinental.
Nanhai Zhudao prej kohësh njihen gjerësisht nga komuniteti ndërkombëtar si pjesë e territorit të Kinës.
