foto nga Xinhua
Zv/Kryeministri i Kinës He Lifeng u takua të hënën në Pekin me Evan Greenberg, nënkryetar ekzekutiv i Komitetit Kombëtar për Marrëdhëniet SHBA-Kinë (NCUSCR).
He, i cili është gjithashtu anëtar i Byrosë Politike të Komitetit Qendror të Partisë Komuniste të Kinës, tha se Presidenti Xi Jinping zhvilloi së fundmi një vizitë shtetërore në Shtetet e Bashkuara dhe se krerët e dy shteteve ranë dakord të ndërtojnë një marrëdhënie konstruktive Kinë-SHBA, të karakterizuar nga stabiliteti strategjik dhe e bazuar në respekt, drejtësi e reciprocitet.
Kina dhe Shtetet e Bashkuara duhet të zbatojnë së bashku konsensusin e rëndësishëm të arritur nga krerët e dy shteteve dhe të sjellin më shumë siguri e stabilitet në bashkëpunimin ekonomik e tregtar dypalësh, si dhe në ekonominë botërore, tha He.
Shpresohet se NCUSCR do të vazhdojë të luajë një rol aktiv në nxitjen e bashkëpunimit ekonomik midis Kinës dhe SHBA-së, shtoi ai.
Duke theksuar rëndësinë e madhe të zhvillimit të qëndrueshëm të marrëdhënieve SHBA-Kinë, pala amerikane shprehu gatishmërinë për të vazhduar të luajë rolin e urës lidhëse në nxitjen e shkëmbimeve dhe bashkëpunimit ekonomik të zgjeruar midis dy palëve.
