Foto nga VCG
Reforma që lidhet me mandatet e OKB-së duhet të përqendrohet në arritjen e rezultateve konkrete, duke shmangur formalizmin dhe praktikat burokratike, si dhe duke iu larguar grackave të së kaluarës, si krijimi i strukturave të tepërta dhe të mbivendosura, deklaroi të martën një i dërguar kinez.
Situata ndërkombëtare po bëhet gjithnjë e më e trazuar, me sfida globale në rritje dhe goditje të rënda për multilateralizmin dhe Kombet e Bashkuara, tha Sun Lei, zëvendëspërfaqësues i përhershëm i Kinës në Kombet e Bashkuara, në shpjegimin e tij të votës mbi Projektrezolutën e Asamblesë së Përgjithshme të OKB-së për Krijimin, Zbatimin dhe Shqyrtimin e Mandateve për një Komb të Bashkuar Efikas dhe Efektiv.
“Kina mbështet OKB-në që të reformohet dhe të rinovohet, të ecë me kohën dhe të përmbushë më mirë mandatet që i janë besuar nga shtetet anëtare,” tha Sun.
Duke vënë në dukje se rezoluta është një pjesë e rëndësishme e Iniciativës OKB80, Sun tha se ajo parashtron parime të rëndësishme dhe veprime të dobishme për përmirësimin e krijimit, zbatimit dhe shqyrtimit të mandateve. “Shpresojmë që këto parime dhe veprime, të zbatohen në mënyrë efektive dhe të ofrojnë udhëzime të dobishme për shtetet anëtare dhe Sekretariatin.”
Ai tha se qëllimi i reformës së shqyrtimit të zbatimit të mandateve, është të ndihmojë Kombet e Bashkuara të përmirësojnë efektivitetin dhe efikasitetin e tyre. Gjithashtu të shërbejë për rigjallërimin e autoritetit të saj dhe rinovimin e vitalitetit, duke theksuar se reforma duhet t’i përmbahet qëllimeve dhe parimeve të Kartës së OKB-së, të mbrojë në mënyrë efektive udhëheqjen dhe pjesëmarrjen e barabartë të të gjitha shteteve anëtare, si dhe të avancojë në mënyrë të ekuilibruar tre shtyllat e organizatës.
Duke qenë se vendet në zhvillim përbëjnë dy të tretat e anëtarësimit në OKB, reforma duhet të marrë parasysh plotësisht nevojat urgjente dhe shqetësimet e përbashkëta të këtyre vendeve, t’i kushtojë vëmendje të veçantë ndikimit në shtyllën e zhvillimit dhe mandateve të zhvillimit, si dhe t’i japë përparësi mbështetjes institucionale dhe burimore për zbatimin e Axhendës 2030, tha ai.
