Foto nga CGTN
Të dhënat e publikuara të hënën nga Zyra Kombëtare e Statistikave e Kinës tregojnë se prodhimi i brendshëm bruto (PBB) i Kinës arriti në 107.1071 trilionë juanë gjatë tre tremujorëve të parë të këtij viti, duke shënuar një rritje prej 4.6 % krahasuar me të njëjtën periudhë të vitit të kaluar. Kjo normë rritjeje mbetet ndër më të lartat mes ekonomive kryesore botërore, duke krijuar një bazë të fortë për përmbushjen e objektivave vjetorë të zhvillimit ekonomik e shoqëror.
Pavarësisht konflikteve në Lindjen e Mesme, që po çojnë në rritjen e çmimeve të energjisë në tregun ndërkombëtar, dhe faktorëve të pasigurt ekonomikë globalë që janë në rritje e sipër, ekonomia e Kinës vazhdon të ruajë një hov të fuqishëm rritjeje. Tregtia e jashtme ka shënuar zgjerim të qëndrueshëm, me vlerën totale të import-eksportit të mallrave që arriti në 39.9399 trilionë juanë në tre tremujorët e parë, 18.8 % më shumë në krahasim me të njëjtën periudhë të vitit të kaluar. Kina mbetet një motor kryesor dhe një spirancë stabilizuese për rritjen ekonomike globale.
