Foto nga VCG
Të premten, ministri i Jashtëm kinez Wang Yi u takua në Shangai me sekretarin e përgjithshëm të OKB-së Antonio Guterres, që ndodhet në Kinë për të marrë pjesë në Konferencën Botërore të Inteligjencës Artificiale 2026.
Wang Yi u shpreh se Kina ka paraqitur propozime për promovimin e zhvillimit të shëndetshëm, të sigurt dhe të rregullt të inteligjencës artificiale, për të siguruar që zhvillimi i inteligjencës artificiale t’i sjellë përfitime njerëzimit.
Kina është e gatshme të forcojë bashkërendimin me OKB-në për të çuar përpara qeverisjen e teknologjive në zhvillim, duke përfshirë inteligjencën artificiale, dhe për të ndërtuar së bashku një bashkësi me të ardhme të përbashkët për njerëzimin, shtoi ai.
Nga ana e tij, sekretari i përgjithshëm i OKB-së Antonio Guterres uroi për mbajtjen me sukses të konferencës dhe i vlerësoi lart përpjekjet e Kinës për të themeluar Organizatën Botërore të Bashkëpunimit për Inteligjencën Artificiale. Ai tha se OKB-ja pajtohet plotësisht me vizionin e zhvillimit të inteligjencës artificiale të përqendruar në përfshirjen, sigurinë e lumturinë e njerëzimit, gjë që përputhet me qëllimet strategjike të OKB-së.
Guterres-i theksoi më tej që OKB-ja është e gatshme të forcojë bashkëpunimin me Kinën, për ta nxitur këtë organizatë të re t’u shërbejë interesave të përbashkët të njerëzimit.
